عايزة أحب الجمال بشروطي
و أسعى هنا و هناك و أقيس جبروتي
عايزة أطلع حاجة مدفونة بقالها سنين
تناجيني دايما لأجل متقوللي طريقي منين
بحب أبعد و أشوفها بزاوية مكسورة
و أحب أجري عليها و أقوللها و بعدين
و كل شروق جديد للشمس بتتجدد معاه روحي
كأني كنت مت الأمس و أحيتني كدة جروحي
بشوف نفسي فوردة جميلة مزعورة
بتدبل بعد أول يوم و تنسيى إنها كانت بلون الشمس بتفتح
و إن فروعها مليانه بشوك إذا إتلمس يجرح
فيه دايما حاجة مكتومة و عايزة تثور
و برضة بقوللها إستني ده بكرة راح تشوفي النور
و بالرغم من بعد النظر و الخطوة اللي ماليها الحذر
بشوف الكون بدون حاجة لنضارة
لأني عارفها حكايتها و هطلع منها محتارة
No comments:
Post a Comment